एशिया कप र टी २० विश्व कप रद्द भएपछि इन्डियन प्रिमियर लिग (आईपीएल) क्रिकेट आयोजना गर्ने बाटो खुलेको थियो ।

गत मार्चमै हुनु पर्ने आईपीएल कोरोना भाइरसको महामारीका कारण स्थगित भएको थियो । महामारीकै कारण एशिया कप र टी २० विश्व कप स्थगित भएपनि यस वर्ष आईपीएल भने आयोजना हुने छ ।

भारतमा कोरोनाको महामारी जारी रहेकाले आईपीएल युएईमा आयोजना हुने छ ।

आईपीएल १९ सेप्टेम्बरदेखि नोभेम्बर ८ तारिखसम्म हुने जनाइएको छ । १९ सेप्टेम्बरमा उद्घाटन हुने आईपीएल नोभेम्बर ८ तारिखमा फाइनल हुने छ ।

आईपीएल पुरानै फरम्याट अनुसार ६० म्याच हुने छन् । एक टिमले १४ वटा म्याच खेल्ने छन् । आईपीएल खेल्ने सबै टिमका खेलाडीहरु २० अगस्टमा युएई पुग्नु पर्ने छ ।