इंग्लिस प्रिमियर लिगमा उपाधि जितिसकेको लिभरपुल पराजित भएको छ । आज विहान सकिएको खेलमा लिभरपुल आर्सनलसँग २–१ गोल अन्तरले पराजित भएको हो ।
२० औं मिनेटमा अग्रता लिएको लिभरपुलले पहिलो हाफमै उक्त अग्रता जोगाउन सकेन । लिभरपुलका लागि साडियो मानेले गोल गर्दै सुरुआती अग्रता दिलाएका थिए ।
तर ३२ औं मिनेटमा आर्सनलका एलेक्जेन्डर लाकाजेटीले गोल गर्दै खेल बराबरीमा ल्याए । ४४ औं मिनेटमा रइस नेल्सनले गोल गरेपछि आर्सनल पहिलो हाफमै २–१ ले अघि बढ्यो ।
दोस्रो हाफमा थप गोल नभएपछि लिभरपुल पराजित हुन पुग्यो । लिभरपुलको पराजयसँग १०० अंक बनाउने लक्ष्य भने अधुरो रहने भएको छ । अब लिगमा २ खेल बाँकी रहँदा लिभरपुलको ९३ अंक छ ।
प्रतिक्रिया