स्पेनिस ला लिगा फुटबलमा रियल मड्रिडले सहज जित निकालेको छ ।

कोरोना भाईरसको महामारीले स्थगित लिग सुचारुपछिको पहिलो खेलमा रियलले गएराति इबारलाई ३–१ गोल अन्तरले पराजित गरेको हो । जीतसँगै मड्रिडले शीर्ष स्थानमा रहेको बार्सिलोनासँगको अंक दूरी २ मा झारेको छ ।

मड्रिडको ५९ अंक रहेको छ भने बार्सिलोनाको ६१ अंक रहेको छ । इबार २७ अंक जोडेर लिगको १६ औं स्थानमा छ । रियललाई जित दिलाउन टोनी क्रुस, सर्जियो रामोस र मार्सेलोले एक एक गोल गरेका थिए । इबारका पेड्रो बिगासले एक गोल फर्काएपनि हार टार्न पर्याप्त भएन ।