काठमाण्डौ । प्रधानमन्त्री केपी शर्मा ओली स्वास्थ्य उपचार सकेर सिंगापुरबाट भोलि ‘शुक्रबार’ स्वदेश फर्किने भएका छन् । उपचार सकिएसँगै प्रधानमन्त्री भोलि थाई एयरवेजको नियमित उडानबाट दिउँसो 12:30 मा स्वदेश फर्किने कार्यक्रम तय भएको उहाँको सचिवालयले जनाएको छ ।

सिंगापुरस्थित नेसनल युनिभर्सिटी अस्पतालमा १२ दिनको नियमित स्वास्थ्य उपचार पूरा भएको प्रधानमन्त्रीका निजी चिकित्सक डा. दिलीप शर्माले बताए ।

प्रधानमन्त्रीका प्रेस सल्लाहकार डा. कुन्दन अर्यालका अनुसार भोलि दिउँसो स्वदेश फर्किने कार्यक्रम तय भइसकेको छ ।

यसअघि १८ भदौमा सिंगापुर गएका प्रधानमन्त्री सोही अस्पतालमा स्वास्थ्य परीक्षण गराएर २७ साउनमा स्वदेश फर्किएका थिए ।