युइएफए च्याम्पियन्स लिगमा स्पेनिस क्लब रियल म्याड्रिड आफ्नौ घरेलु मैदानमा पराजित भएको छ । गएराति भएको खेलमा पहिलोपटक च्याम्पियन्स लिग खेलिरहेको मोल्दोभाको एफसी सेरिफसँग रियल म्याड्रिड २-१ गोल अन्तरले पराजित भएको हो ।

सेरिफलाई जित दिलाउनको लागि डिजासुर याक्सिवाइभ र सेवास्टिन थिलले समान एक-एक गोल गरे । रियलको लागि
कप्तान करिम बेन्जेमाले गरेको गोल सान्त्वान गोल बन्यो ।

२५ औं मिनेटमा डिजासुर याक्सिवाइभले गोल गर्दै सेरिफलाई अग्रता दिलाएका थिए । उनले क्रिस्टियानोको पासमा गोल गरेका थिए ।

६५औं मिनेटमा बेन्जेमाले पेनाल्टीमार्फत गोल गर्दै खेललाई १-१ गोलको बराबरीमा ल्याए । एड्डो र कोस्टान्जाले भिनिसियस जुनियरलाई फल गरेपछि रेफ्रीले भिएआरको सहायता लिँदै रियललाई पेनाल्टी प्रदान गरेको थियो ।

८९औं मिनेटमा सेवास्टिन थिलले गोल गर्दै सेरिफलाई २-१ को अग्रता दिलाए । त्यसपछि दुवै टोलीबाट गोल हुन नसक्दा खेल सेरिफले जित्यो ।

यो नजितासँगै सेरिफ दुई खेलबाट ६ अंक जोड्दै शीर्ष स्थानमा यथावत रहेको छ । रियल ३ अंक जोडेर दोस्रो स्थानमा रहेका छ ।