लियोनल मेस्सीको बार्सिलोनासँगको सम्झौता सकिएको छ ।

एक वर्ष अघि बार्सिलोना छोड्न चाहेका ३४ वर्षीय मेस्सी सम्झौतामा रहेको व्यवस्थाका कारण त्यहिँ बस्न बाध्य थिए ।

अब बार्सिलोनासँगको उनको सम्झौता सकिएको छ ।

बार्सिलोनासँगको उनको सम्झौता बुधबार मध्यरातसँगै समाप्त भएको हो ।

महिनौँदेखि चलेका विभिन्न हल्ला तथा अनुमानका बाबजुद बार्सिलोनासँग उनले सम्झौता लम्ब्याएनन् ।

नयाँ सम्झौताका लागि छलफल जारी रहेको छ । मेस्सीले अझै पनि बार्सिलोनामै रहने निर्णय भने गर्न सक्ने छन् ।

मेस्सीको ध्यान इंग्लिस क्लब म्यानचेस्टर सिटी र फ्रेन्च क्लब पेरिस सेन्ट जर्मेन (पिएसजी) मा पनि छ ।

अब उनलाई भित्र्याउन चाहने क्लबले बार्सिलोनालाई कुनै पनि रकम भने तिर्नु पर्ने छैन ।