काठमाडौँ – राष्ट्रिय क्रिकेट टोलीको बन्द प्रशिक्षण रोकिने भएको छ । आगामी जुलाईमा हुने भनेर तय भएको विश्वकप लिग २ अन्तर्गतको खेल २०२२ जुलाई सम्मका लागि स्थगित भएपछि बन्द प्रशिक्षण पनि रोकिने भएको हो ।

सिरिज खेल्ने मध्ये एक टोली नामिबियामा कोरोनाका कारण खेलको प्रशिक्षण तथा यात्रामा प्रतिबन्ध रहेको कारण सिरिज स्थगित भएको थियो ।

यसअघि मार्चमा हुने भनिएको ओमानमा तय भएको नेपाल र अमेरिकाको सिरिज पनि कोरोनाकै कारण स्थगित भएको छ ।

तय भएका खेलहरु रोकिएसँगै राष्ट्रिय क्रिकेट टोलीको प्रशिक्षण पनि शरक्रबारदेखी रोकिएको छ ।