काठमाडौं । करिब एक घण्टाभन्दा बढी समय अवरुद्ध भएर वर्ल्डलिङ्क कम्युनिकेसनको इन्टरनेट पुन: सुचारु भएको छ । वर्ल्ड लिंकले ५:२० देखि पूर्ण रुपमा इन्टरनेट सुचारु भएको जानकारी दिएको छ ।

इन्टरनल गेटवे राउटरमा देखिएको समस्याका कारण करिब घण्टा इन्टरनेट सेवा अवरुद्ध भएको वर्ल्डलिङ्कले जनाएको छ । गेटवे राउटमा समस्या देखिएपछि त्यो राउटरको ट्राफिकलाई ब्याकअप राउटरमा सारेर सेवा सुचारु गरिएको वर्ल्डलिंकले जनाएको छ ।

दिउँसो ३:५५ देखि सुरु भएको समस्या ४:५५ मा सुचारु हुदै ५:२० मा पूर्ण रूपमा इन्टरनेट सुचारु भएको वर्ल्डलिङ्कले बताएको छ ।