काठमाडौं । कोरोना महामारीका बेला नागरिकको जिउधनको सुरक्षा गर्नुको सट्टा सरकार सत्ताको दाउपेचमा केन्द्रित रहेको भन्दै बृहत नागरिक आन्दोलनले आज (बुधबार) कीर्तिपुरमा विरोध प्रदर्शन गरेको छ ।

आन्दोलनले निःशुल्क स्वास्थ्यको व्यवस्था, गाँस, बास र कपासको व्यवस्था, बेरोजगारी भत्ताको व्यवस्था तथा किसानलाई राहतको व्यवस्था गर्न समेत माग गरेको छ ।

‘मान्छेको लाशमाथि लाश छ, तिमीलाई भोटकै आश छ,’ यो सरकारको छ के पारा ? दुष्ट, भ्रष्ट ज्यानमारा’ जस्ता नारा लेखिएका प्लेकार्ड बोकेर प्रदर्शन गरिएको थियो । महामारीमा मतपत्रको षडयन्त्र छाडेर संक्रमितलाई अक्सिजन र जनतालाई खोपको व्यवस्था गर्न तथा गरीब जनतालाई गाँस र बासको व्यवस्था गर्न पनि आन्दोलनले माग गरेको छ ।