काठमाडौँ – गण्डकी प्रदेश सभाको अधिवेशन यही जेठ १६ गते बोलाउन सरकारले प्रदेश प्रमुख समक्ष सिफारिस गरेको छ । मंगलबार बसेको मन्त्रिपरिषदको बैठकले १६ गते दिउँसो १ बजे सभागृह हलमा अधिवेशन बोलाउनका लागि सिफारिस गरेको हो ।

गण्डकी प्रदेशमा पछिल्लो समयमा कोरोना संक्रमण तीव्ररूपमा वृद्धि भएपछि सामाजिक दुरी पालनाका लागि सभागृह हल रोजिएको हो । प्रदेश सभाको अधिवेशन यही जेठ १६ गते सभागृह हलमा डाक्नका लागि प्रदेश प्रमुख समक्ष सिफरिस गर्ने निर्णय मन्त्रिपरिषद् बैठकको बैठकमा भएको सरकारका प्रवक्ता रामशरण बस्नेतले जानकारी दिए ।