एजेन्सी – नेपाली राष्ट्रिय टोलीका स्पिनर सन्दीप लामिछानेले क्यारेबियन प्रिमियर लिग (सीपीएल) टी-ट्वान्टी क्रिकेट खेल्ने भएका छन् । सन्दीपले ट्रीनबागो नाइट राइडर्सबाट सीपीएल खेल्ने भएका हुन् । सीपीएलले मंगलबार सन्दीपले नाइट राइडर्सबाट प्रतियोगिता खेल्ने जनाएको छ ।

सन्दीपले यस अघि तीन सिजन सीपीएल खेलिसकेका छन् । २०२१ को सीपीएल क्रिकेट अगस्ट २८ बाट सुरु हुनेछ । सेट किट्स एण्ड नेभिसमा आयोजना हुने सीपीएलको फाइनल सेप्टेम्बर १९ मा हुनेछ । प्रतियोगितामा कुल ३३ खेल हुनेछ ।