स्पेनिस ला लिगा फुटबलमा एथ्लेटिको मड्रिड उपाधि नजिक पुगेको छ ।

लिग अन्तर्गत गएरातिको खेलमा रियल सोसिडाडमाथि २–१ को जित निकाल्दै एथ्लेटिको मड्रिड उपाधि नजिक पुगेको हो ।

घरेलु मैदानमा भएको खेलमा एथ्लेटिकोका लागि यानिक कारास्को र एन्जल कोरियाले एक एक गोल गरे ।

रियल सोसिडाडका लागि जुबेल्दियाले ८३ औं मिनेटमा एक गोल फर्काए ।

जितपछि दुई खेल बाँकी छंदै शीर्ष स्थानमा रहेको एथ्लेटिको मड्रिडको ८० अंक भएको छ ।

दोस्रो स्थानको रहेको बार्सिलोनाको समान खेलबाट ७६ र तेस्रो स्थानको रियल मड्रिडको ३५ खेलबाट ७५ अंक छ ।

गएरातिका अन्य खेलहरुमा सेभिल्लाले भ्यालेन्सिया, सेल्टा डी भिगोले गेटाफे र हुएस्काले एथ्लेटिको बिल्बाओलाई पराजित गरेका छन् ।