मन्त्रिपरिषद्को नियमित बैठक आज साँझ पाँच बजे बस्दै छ ।

प्रधानमन्त्री निवास बालुवाटारमा बस्ने बैठकमा पछिल्लो समय बढ्दै गएको कोरोना संक्रमण जोखिमबारे छलफल हुने एक मन्त्रीले बताए ।

आजको बैठकमा कोभिड संकट व्यवस्थापन केन्द्र (सीसीएमसी)ले संक्रमण रोकथामका लागि गरेको सिफरिसबारे छलफल हुने बताइएको छ ।

सीसीएमसीको आइतबारको बैठकले संक्रमण बढेकोस्थानमा निषेधाज्ञासम्बन्धी निर्णय लिने अधिकार स्थानीय प्रशासनलाई दिनुपर्ने प्रस्ताव गरेको थियो ।

त्यस्तै, सीसीएमसीको बैठकले आवश्यकता अनुसार लकडाउन गर्नुपर्ने प्रस्तावसमेत गरेको छ ।

यस्तै, पहाडी क्षेत्रमा २ सय र शहरी क्षेत्रमा ५ सय सक्रिय संक्रमित भएका जिल्लामा जिल्ला कोभिड संकट व्यवस्थापन केन्द्र (डीसीसीएमसी)ले निषेधाज्ञा गर्न सक्ने गरी सिफारिस गरिएको छ ।