काठमाडौं – आजदेखि शुरु भएको त्रिकोणात्मक सिरिजमा नेपालको विजयी शुरुवात गरेको छ । सिरिजको पहिलो खेलमा नेपालले नेदरल्याण्डसलाई ९ विकेटले पराजित गर्दै सिरिजमा विजयी शुरुवात गरेको हो । नेदरल्याण्डसले दिएको १३७ रनको लक्ष्यलाई नेपालले एक विकेट १५ ओभरमा गुमाएर पुरा गरेको हो ।

नेपालका लागि कुशल भुर्तेलले ६२ रन बनाए भने आसिफ सेखले अविजित ५४ रन बनाए । त्यस्तै कप्तान ज्ञानेन्द्र मल्लले अविजित १३ रन बनाए । यसअघि टस हारेर पहिला ब्याटिंग गरेको नेदरल्याण्डसले २० ओभरमा ४ विकेट गुमाउदै १३६ रन बनाएको थियो ।

नेदरल्याण्डसका लागि बास डे लीडले सर्बाधिक ४१ रन बनाए भने स्कट एडवार्डसले ३० रन बनाए । त्यस्तौ कप्तान पीएटर सीलारले अविजित २२ रन बनाए भने एन्टोनियस स्टालले अविजित २० रन बनाए । त्यस्तै म्याक्स ओडोउडले १० तथा बेन कूपर शुन्यमा आउट भएका थिए ।

त्यसैगरी नेपालि बलर सन्दीप लामिछानेले २ विकेट लिए भने सोमपाल कामी र शहाब आलमले एक एक विकेट लिए । सन्दीपले ४ ओभरमा २२ रन दिएर २ विकेट लिए भने सोमपालले ४ ओभरमा १३ रन दिएर एक विकेट लिए । त्यस्तै शहाब आलमले ४ ओभरमा ४५ रन दिएर एक विकेट लिएका थिए ।