काठमाडौं – पछिल्लो २४ घण्टामा नेपालमा थप १६२ जनामा कोरोना भाइरस संक्रमण पुष्टि भएको छ। स्वास्थ्य तथा जनसंख्या मन्त्रालयका अनुसार देशभरका प्रयोगशालामा ३ हजार ९१९ जनाको पिसिआर परीक्षण गर्दा १६२ जनामा कोरोना संक्रमण पुष्टि भएको हो।

यससँगै कोरोना संक्रमित कुल संख्या २ लाख ७७ हजार ३०९ पुगेको छ। ती मध्ये २ लाख ७२ हजार ७८६ जना संक्रमणमुक्त भएका छन्। पछिल्लो २४ घण्टमा कोरोना संक्रमणबाट कसैको मृत्यु भएको छैन। हालसम्म कोरोना संक्रमणबाट ३ हजार ३० जनाको मृत्यु भएको मन्त्रालयले जनाएको छ।