काठमाडौं । सत्तारुढ दल एकिकृत  नेकपा माओवादीले सरकारबाट बाहिरिने सम्भावना बलियो बन्दै गएको छ । 

एमाओवादीको आज विहान बसेको पदाधिकारीहरुको बैठकले आफ्नै पार्टीको नेतृत्वमा राष्ट्रिय सहमतिको सरकार गठन गर्न सहयोग गर्न सबै दललाई आग्रह गरेको छ । 

बैठकमा एमाओवादीले एमाले, कांग्रेस, राप्रपा नेपाललगायत सबै दललाई एमाओवादी नेतृत्वमा गठन हुने सहमतिको सरकारमा सहभागी हुन अपीलसमेत गरेको छ।

‘राष्ट्रिय स्वाधिनता एवम् स्वाभिमानको रक्षा, शान्ति प्रक्रियाको बाँकी कार्यभार, राजनीतिक समस्यालाई वार्ताद्वारा समाधानसहित संविधान क्रियान्वयन र पुनर्निर्माणको कार्यलाई केन्द्रबिन्दुमा राखेर हाम्रो पार्टीले राष्ट्रिय सहमतिमा जोड दिँदै नेकपा ९एमाले० को नेतृत्वको वर्तमान सरकार गठन गर्न पहल गरी सहभागी भएको हो,’ बैठकपछि जारी विज्ञप्तिमा भनिएको छ,
हाम्रो पार्टीले उपयुक्त विषयहरुमा लगातार सरकार एवम् एमाले नेतृत्वसँग गम्भीर ध्यानाकर्षण गराएका हौं। तर वर्तमान नेतृत्व अन्तर्गत सरकारले त्यस दिशामा परिणाममुखी कार्य अगाडि बढाउन सकेको देखिएन।’

उसले अगाडि भनेको छ, ‘यस स्थितिमा प्रमुख प्रतिपक्षी दल नेपाली कांग्रेसले समेत हाम्रो पार्टीको नेतृत्वमा सरकार गठन गरी उपरोक्त कार्यभार पुरा गर्न प्रस्ताव सहित सहमति जनाएको स्थितिमा हाम्रो पार्टी, नेकपा एमाले तथा राप्रपा नेपाल, जनअधिकार फोरम ९लोकतान्त्रिक० लगायतका सबै पार्टीलाई हाम्रो पार्टीको नेतृत्वमा सरकार गठन गरी साझा कार्यभार पूरा गर्ने प्रक्रियामा अघि बढ्न अपील गर्दछ।’