काठमाण्डौ – अमेरिकाको जर्जिया राज्यको तीन ठाउँमा भएको गोली प्रहारमा तीन एसियाली महिलासहित आठ जनाको ज्यान गएको बीबीसीले जनाएको छ ।

प्रहरीका अनुसार एट्लान्टाको उत्तरतर्फ रहेको एक मसाज पार्लरमा चार जनाको ज्यान गएको हो भने एटलान्टाको दुई स्पामा चार जनाको ज्यान गएको हो ।

ज्यान गुमाउनेमध्ये चार जना कोरियाली भएको दक्षिण कोरियाले पुष्टि गरेको छ । अधिकारीहरुले तीनवटै घटनामा संलग्न रहेको आशङ्कामा एक २१ वर्षीय पुरुषलाई पक्राउ गरेको बताएका छन् ।