युइएफए युरोपा लिगको प्रि–क्वाटरफाइनलको पहिलो लेगमा टोटेनहम हटस्परले सहज जित निकालेको छ । विहीबार भएको खेलमा टोटेनहमले डिनामो जाग्रिवलाई २–० गोल अन्तरले पराजित गरेको हो ।

टोटेनहमलाई सहज जित दिलाउनको लागि दुवै गोल ह्यारी केनले गरे । उनले पहिलो र दोस्रो हाफमा समान १–१ गोल गरेका थिए । खेलको २५औं मिनेटमा गोल गर्दै केनल टोटेनहमलाई अग्रता दिलाएका थिए । उनले इरिक लमेलाको पासमा गोल गरेका थिए ।

७०औं मिनेटमा केनले व्यक्तिगत दोस्रो तथा टोलीका लागि दोस्रो गोल गर्दै टोटेनहमलाई २–० को जित दिलाए । जितसँगै टोटेनहमले युरोपा लिगको क्वाटरफाइनल पुग्ने सम्भावना बलियो बनाएको छ । दोस्रो लेग डिनामोको मैदानमा १८ मार्चमा हुनेछ ।