काठमाडौं – पछिल्लो २४ घण्टामा नेपालमा ५९ जना कोरोना संक्रमित थपिएका छन्। यो सँगै कुल संक्रमितको संख्या २ लाख ७४ हजार ८६९ जना पुगेको स्वास्थ्य तथा जनसंख्या मन्त्रालयले जनाएको छ। जसमध्ये ८७० जना सक्रिय संक्रमित छन्।

गत २४ घण्टामा २ हजार ७१५ जनाको पिसिआर परीक्षण गर्दा ५९जनामा कोरोना पुष्टि भएको छ। यो सँगै नेपालमा पिसिआर परीक्षण हुनेको संख्या २१ लाख ९९हजार ९५० पुगेको छ। गत २४ घण्टामा एकजना कोरोना संक्रमितको मृत्यु भएको छ ।

योसँगै मृत्यु हुने कोरोना संक्रमितको संख्या ३ हजार १२ पुगेको छ। हाल ५६ जना क्वारेन्टाइनमा छन्। गत २४ घण्टामा ६०जना उपचारपछि डिस्चार्ज भएका छन्। यो सँगै नेपालमा निको हुनेको संख्या २ लाख ७० हजार ९८७ पुगेको मन्त्रालयले जनाएको छ।