March 2, 2021, Tuesday
२०७७ फाल्गुन १८
ताजा अपडेट

म्यानमारमा दुई जना प्रदर्शनकारीको मृत्यु

  •  
  •  
  •  
  •  
  •  
  •  
  •  
  •  

म्यानमारमा सैन्य कू विरुद्ध प्रदर्शनमा सहभागी भएका मध्ये कम्तीमा दुईजनाको मृत्यु भएको छ। प्रदर्शनकारीमाथि सुरक्षाकर्मीले गोली चलाउँदा २० जनाभन्दा बढी घाइते भएको अन्तर्राष्ट्रिय सञ्चारमाध्यमले जनाएका छन् ।

म्यानमारमा पछिल्लो दुई हप्तादेखि सैनिक शासनक विरुद्ध प्रदर्शन हुँदै आएको छ । प्रहरीले प्रदर्शनकारीलाई तितरवितर पार्न गोलाबारुदको प्रयोग गरेको छ । फेब्रुअरी १ मा सेनाले निर्वाचित सत्ता हत्याएर शक्ति आफ्नो हातमा लिएको थियो ।

Advertisement

सेनाले गएको नोभेम्बर ८ मा भएको चुनावमा धाँधली भएको आरोप लगाउँदै नेतृ आङ साङ सूकीसहितलाई नियन्त्रणमा लिएर सत्ता हत्याएको हो । सो चुनावमा सूकीको पार्टीले अत्याधिक बहुमत ल्याएको थियो ।

सेनाले सत्ता हत्याएसँगै सर्वसाधारण, पेशाकर्मी तथा भिक्षुहरु पनि प्रदर्शनमा उत्रिएका छन् । दबाबमा आएको सैनिक नेतृत्वले पछिल्ला दिनमा प्रदर्शनकारीमाथि बल प्रयोग गर्दै आएको छ ।

यसअघि शुक्रबार एक महिलाको उपचारको क्रममा मृत्यु भएको थियो । उनी प्रहरीको गोली लागी घाइते थिइन् ।


  •  
  •  
  •  
  •  
  •  
  •  
  •  
  •