गायिका अञ्जु पन्तले दोस्रो विवाह गर्ने भएकी छिन् । पन्तले इलाम स्थायी घर भएका थिर कोइरालासँग विवाह गर्न लागेकी हुन् ।

विवाहको मिति भने हालसम्म तय भएको छैन । पन्तले यसअघि गायक तथा संगितकार मनोजराजसँग पहिलो विवाह गरेकी थिइन् । पन्तको पहिलो दाम्पत्य जीवन सफल भएन ।

कोइराला र पन्त केही समयदेखि प्रेम सम्बन्धमा थिए । कोइरालाले लेखेको गीत पन्तले गाएकी छिन् । एक दशक अघि पन्तले मनोजसँग सम्बन्ध विच्छेद गरी एक्लै बस्दै आएकी थिइन् ।

अञ्जु हाल छोरीसँग बस्दै आएकी छिन् । उनकी छोरी परितोशिकाले केही समय अघि आमाले बिहे गर्नुपर्ने धारणा राखेकी थिइन् ।