काठमाडौं । स्रोत नखुलेको १० लाख रुपैयाँ बोकेर दुबई उड्न लागेका एक जनालाई प्रहरीले त्रिभुवन विमानस्थलबाटै पक्राउ गरेको छ ।

नेपाल एअरलाइन्सको उडानबाट दुबई जान लागेका काठमाडौं कलङ्की घर भएका आशिष खातीलाई विमानस्थलको एक्सरे क्षेत्रबाट स्रोत नखुलेको १० लाख रुपैयाँसहित पक्राउ गरिएको प्रहरीले जनाएको छ ।

खातीको साथमा रहेको १० लाख रुपैयाँको स्रोत नखुलेको र अवैध रूपमा विदेश लैजान लागेको गरी दुई वटा कसुर देखिएको प्रहरीले जनाएको छ । उनलाई थप कारबाहीका लागि त्रिभुवन विमानस्थल भन्सार कार्यालयमा बुझाइएको विमानस्थल प्रहरीले जनाएको छ ।