काठमाडौँ – प्रधानमन्त्री कप राष्ट्रिय क्रिकेट प्रतियोगिता अन्तर्गत त्रिभुवन आर्मी क्लबले तेस्रो जित हासिल गरेको छ । बुधबार सम्पन्न खेलमा आर्मीले प्रदेश १ लाई ४ विकेटले पराजित गरेको हो । प्रदेश १ ले दिएको १३२ रनको लक्ष्य पछाएको आर्मी क्लबले २९.५ ओभरमा ६ विकेट गुमाउदै लक्ष्य पुरा गरेको थियो । आर्मीका लागि रोहित पौडेलले सर्बाधिक ३६ रन बनाएका थिए भने भीम सार्कीले २९ रन बनाएका थिए । त्यस्तै राजेश पुलामीले अविजित २९ रन बनाए भने लोकेश बमले १३ रन बनाएका थिए ।

त्यस्तै प्रदेश १ का बलर फिर्दोश अन्सारी, ज्ञानेन्द्र श्रेष्ठ, दिपेश कँडेल, शुभंकर उरावले एक एक विकेट लिएका थिए । यसअघि टस जितेर पहिला ब्याटिंग गरेको प्रदेश १ ले ४०.१ ओभरमा अल आउट हुदै १३१ रन बनाएको थियो । प्रदेश १ का लागि बिबेक मेहेताले सर्बाधिक ५० रन बनाएका थिए । त्यस्तै फिर्दोस अन्सारीले ३२ रन बनाए । त्यसैगरी दीपक पासवानले १९ रन बनाए भने दिपेश कडेलले ११ रन बनाए ।

प्रदेश १ का अन्य ब्याट्सम्यानले दोहोरो अंकमा रन बनाउन सकेनन् । त्यस्तै आर्मी क्लबका बलर शाहाब आलमले ४ विकेट लिएका छन् भने आकास चन्दले ३ विकेट लिएका थिए । त्यस्तै सुशन भारी, भीम सार्की र राजेश पुलामीले एक एक विकेट लिएका थिए । यो जितपछि प्रतियोगितामा त्रिभुवन आर्मी क्लबले लगातार तेस्रो जित हासिल गरेको छ । त्यस्तै प्रदेश १ ले भने अहिलेसम्म खेलेका तिनै खेलमा हार बेहोरेको छ ।