बार्सिलाेना स्पेनिस सुपर कपकाे फाइनलमा प्रवेश गरेकाे छ । वुधाबार राति भएकाे खेलमा रियल सोसिडाडलाई पेनाल्टी शुटआउटमा पराजित गर्दै बार्सिलोनाले फाइनलमा स्थान सुरक्षित गरेकाे हाे ।

बार्सिलोनाका लागि रिक्वी पेगले निर्णायक गोल गरेका थिए । त्यसअघि पेनाल्टीमा स्टार खेलाडीद्वय एन्टोइन ग्रिजमन र फ्रेन्की डी जोङ गोल गर्न असफल थिए । बार्सिलोनाका गोलरक्षक मार्क टर स्टेगेनले सोसिडाडको दुई पेनाल्टी बचाएका थिए ।

साविक विजेता रियल मड्रिडले फाइनल प्रवेशका लागि आज एथ्लेटिको विल्वाओसँग प्रतिस्पर्धा गर्ने छ ।

खेलको ३९ औं मिनेटमा डी जोङले मार्टिन ब्रेथवेइट र एन्टोइन ग्रिजमनसँगको उत्कष्ट तालमेलमा गोल गरी बार्सिलोनालाई अग्रता दिलाएका थिए । तर डी जोङले नै ५१ औं  मिनेटमा डी बक्सभित्र फल गरेपछि सोसिडाडले पेनाल्टी पायो र मिकेल ओयारजावालले बराबरी गोल गरेका थिए ।