काठमाडौँ – बलिवुड अभिनेता ऋतिक रोशन र अभिनेत्री दीपिका पादुकोणको नयाँ फिल्म फाइटर; को घोषणा गरिएको छ । ऋतिकले आफ्नो जन्म दिनको अवसरमा दीपिकासँग आफ्नो नयाँ फिल्मको घोषणा गरेका हुन् ।

ऋतिक र दीपिका पहिलो पटक सँगै अभिनय गर्न थालेका हुन् भने यस फिल्मलाई २०१९ को सुपरहिट फिल्म ‘वार’ फेम निर्देशक सिद्धार्थ आनन्दले निर्माण र निर्देशन गर्ने भएका छन् । ऋतिकले यस अघि ब्यांग ब्यांगमा पनि सिद्धार्थको निर्देशनमा काम गरेका थिए । 

सिद्धार्थ आनन्दले आफ्नो ब्यानर मार्फलिक्सको ब्यानरमा पहिलो फिल्म ‘फाइटर’  को घोषणा गरेका हुन् । फिल्म प्रेम कथासहित एक्शन प्रधान हुने बताइएको छ । ऋतिकले फिल्मको डाइलग भएको टिजर सार्बजनिक गर्दै दीपिकासँग आफ्नो पहिलो उडान हुने उल्लेख गरेका छन् ।