काठमाडौं – भारतको महाराष्ट्र राज्यको एक सरकारी अस्पतालमा आगलागी हुँदा १० जना नवजात शिशुको मृत्यु भएको छ । भन्डारा जिल्लाको अस्पतालका सिभिल सर्जन डा. प्रमोद खन्डातेका अनुसार गयराति नवजात शिशु राखिएको वार्डमा आगलागी हुँदा १९ जना शिशुहरुको मृत्यु भएको हो ।

भारतीय सञ्चार माध्यमहरुका अनुसार रातको समय वार्डबाट धुँवा निस्केको देखेपछि नर्सले प्रशासनलाई जानकारी गराएको र विद्युत सर्टका कारण आगलागी भएको प्रारम्भिक अनुसन्धानबाट पुष्टि भएको छ । जिल्ला अस्पतालमा अबेर राति विद्युत सर्ट हुँदा सिक न्यूबर्न केयर यूनिट (एसएनसीयू) मा आगलागी भएको हो ।

आगलागीमा परेकामध्ये ७ जना शिशुहरुलाई जिवितै उद्दार गरिएको छ । घटनाको विषयमा थप अनुसन्धान गर्नका लागि माग गरिएको छ ।