इंग्लिस प्रिमियर लिगको साविध विजेता लिभरपुलले साउथह्याम्प्टनसँग १–० गोलको पराजय ब्यहोरेको छ।

साउथह्याम्प्टनका ड्यानी इङ्सले खेलको दोस्रो मिनेटमा गरेको गोल नै उसको जितमा निर्णायक बन्यो । साउथह्याम्प्टनले लिगमा पछिल्लो ५ खेलमा पहिलो जित निकालेको हो ।

हारका बाबजुद लिभरपुल लिगको शीर्ष स्थानमा यथावत छ । १७ खेलबाट ३३ अंकसहित उसले म्यानचेस्टर युनाइटेडलाई गोलअन्तरमा पछि पारेको छ । युनाइटेडले १ खेल कम खेलेको छ ।

जितपछि साउथह्याम्प्टन भने १७ खेलबाट २९ अंकसहित तालिकाको छैटौं स्थानमा उक्लिएको छ ।