October 27, 2020, Tuesday
२०७७ कार्तिक ११
ताजा अपडेट

युरोपमा तीव्र गतिमा बढ्दै कोरोना संक्रमण, पुनः प्रतिबन्धात्मक उपायहरु लागू गर्न थालियो

  • 14
  •  
  •  
  •  
  •  
  •  
  •  
  •  
    14
    Shares

कोरोना भाइरसको संक्रमण बढ्न थालेपछि युरोपमा फेरि प्रतिबन्धात्मक उपायहरु लागू गर्न थालिएको छ । युरोपका विभिन्न देशमा पछिल्लो समय पुनः संक्रमण तीव्र गतिमा बढेपछि आंशिक लकडाउन लगायतका उपाय अपनाउन थालिएको हो ।

चेक गणतन्त्रले संक्रमण बढ्न थालेपछि तीन हप्ताका लागि आंशिक लकडाउन सुरु गरेको छ । विद्यालय, बार तथा क्लबहरु बन्द गरेको छ । सामूहिक रुपमा बसेर रक्सीसहितका पेय पदार्थ खान समेत रोक लगाइएको छ ।

Advertisement

नेदरल्याण्डका प्रधानमन्त्री मार्क रुटले आगामी चार साताका निम्ति आंशिक लकडाउन घोषणा गरेका छन् । सार्वजनिक परिसरमा मास्क अनिवार्य गरिएको छ । तत्कालका निम्ति खोप आकाशको फल भएको उनको भनाइ छ ।

फ्रान्सका प्रधानमन्त्री इम्यानुअल म्याक्रोनले बुधवार थप कडिकडाउ घोषणा गर्ने तयारी गरेका छन् । पेरिस लगायत संक्रमण धेरै देखिएका ठाउँमा रात्रिकालीन कर्फ्यु हुनसक्ने फ्रान्सका सञ्चारमाध्यमले जनाएका छन् । पेरिसका अस्पतालमा नब्बे प्रतिशत आइसियू शैय्याहरु भरिएका छन् ।

रुसमा दैनिक चौध हजारमा संक्रमण देखिएपनि राष्ट्रव्यापी लकडाउन भने नगर्ने जनाएको छ । जर्मनी तथा बेलायतमा पनि संक्रमण बढिरहेको छ । बेलायतमा तीन चरणका प्रतिबन्धात्मक उपाय लागु भएको छ । जर्मन चान्सलर एंगेला मर्केलले युरोपको अवस्थालाई उनले निकै चिन्तापूर्वक हेरिरहेको बताएकी छिन् ।


  • 14
  •  
  •  
  •  
  •  
  •  
  •  
  •  
    14
    Shares