नेशन्स लिग फुटबलमा इटालीले नेदरल्याण्ड्समाथि साँघुरो जित निकालेको छ ।

गएराति समूह बीको खेलमा इटालीले घरेलु टोली नेदरल्याण्ड्सलाई १–० ले हराएको हो । जितसँगै इटाली तालिकाको शीर्ष स्थानमा उक्लिएको छ । इटालीको जितमा निकोलो बरेलाले निर्णायक गोल गरे ।

सोही समूहको अर्को खेलमा पोल्याण्डले बोस्निया हर्जगोभिनामाथि २–१ को जित निकालेको छ । पोल्याण्डका लागि विङ्गर कामिल ग्रास्की र कामिल ग्लिकले गोल गरे । बोस्नियाका लागि हारिस हाजराडोविकले एक गोल गरे ।

समूहमा इटाली २ खेलबाट ४ अंक सहित शीर्ष स्थानमा छ । दोस्रो स्थानको पोल्याण्ड र नेदरल्याण्ड्सको समान ३ अंक छ । पुछारको बोस्नियाको १ अंक छ ।