काठमाडौँ । कोरोना बारे अध्ययन गर्न विश्व स्वास्थ्य संगठन(डब्लुएचओ) को विशेषज्ञको टिम चीनतर्फ लागेको छ । विश्व स्वास्थ्य संगठनका प्रवक्ता मार्गरेट हेरिसले विशेषज्ञसहितको टिम चीन तर्फ गएको जानकारी गराएकी छन् ।

टिममा एक जना पशु विज्ञान विशेषज्ञ र एक जना महामारी विशेषज्ञ रहेको डब्लुएचओले जानकारी गराएको छ । यो टिमले चीनमा कोरोना भाइरसको उत्पतिका बारेमा अध्ययन गर्ने बताइएको छ ।

गत बर्षको डिसेम्बरदेखि चीनको वुहानबाट शुरु भएको कोरोना भाइरसका कारण अहिलेसम्म विश्व भर एक करोड २४ लाख भन्दा बढी संक्रमित भएका छन् भने अहिलेसम्म ५ लाख ५८ हजारभन्दा बढीको ज्यान गएको छ ।