समाजवादी र राजापबीच वैशाख ६ गते भएको एकीकरण घोषणा र जेठ २५ मा निर्वाचन आयोगमा दल दर्ताको प्रक्रियामा यी दुवै नेता सहभागी भएनन् । निर्वाचन आयोगमा बुझाइएको ५१ सदस्यीय केन्द्रीय कार्यकारिणी समितिको सूचीमा भने दुवैको नाम छ ।

आयोगमा बुझाउने दस्तावेजमा केन्द्रीय कार्यकारिणी समितिमा रहेका सदस्यले नागरिकताको प्रतिलिपि बुझाउनुका साथै हस्ताक्षर गर्नुपर्ने हुन्छ । ४९ जनाले प्रक्रिया पूरा गर्दा झा र यादवले न नागरिकताको फोटोकपी बुझाएका छन् न हस्ताक्षर नै गरेका छन् । बरु, उनीहरू केन्द्रीय कार्यकारिणी समितिमा नपरेका कारण असन्तुष्ट बनेकाहरूलाई एकीकृत गरेर राजपालाई ब्युँताउने, नसके पार्टीभित्र ‘बार्गेनिङ पावर’ बढाउने कसरतमा देखिन्छन् । कान्तिपुरमा खबर छ।