विश्वभर कोरोना भाइरसबाट संक्रमित हुनेको संख्या ३७ लाख ५५ हजार नाघेको छ । संक्रमणबाट दुई लाख ५९ हजारको मृत्यु भएको छ ।

अमेरिकामा मात्रै कोरोना संक्रमणबाट मृत्यु हुनेको संख्या ७२ हजार २ सय नाघेको छ । अहिलेसम्म अमेरिकामा १२ लाख ३८ हजारभन्दा बढी संक्रमित भइसकेका छन् ।

बेलायतमा २९ हजार ४ सय, इटलीमा २९ हजार ३ सय, स्पेनमा २५ हजार ८ सय, फ्रान्समा २५ हजार ५ सयभन्दा बढीको ज्यान गइसकेको छ ।

त्यस्तै भारतमा ४९ हजार ४ सयभन्दा बढी संक्रमित भएका छन् मृत्यु हुनेको संख्या १ हजार ६ सय ९५ पुगेको छ ।

पाकिस्तानमा संक्रमितको संख्या २२ हजार ५ सय नाघेको छ भने ५ सय २६ जनाले ज्यान गुमाइसकेका छन् ।

विश्वभर १२ लाख ५८ हजारभन्दा बढी संक्रमित उपचारपछि निको भएर घर फर्किएका छन् ।