काठमाडौं । भारतीय चिकित्सा अनुसन्धान परिषद (आईसीएमआर)ले चीनबाट आयात गरिएको तीव्र एन्टिबडी कोभिड -१९ परीक्षण किटहरूको नजितामा ‘व्यापक भिन्नता’ भेटिएपछि प्रयोगमा रोक लगाएको छ ।

भारतले दुई चिनियाँ कम्पनीहरू, गुआन्झाउ वन्डफो बायोटेक र लिभोन डायग्नोस्टिक्सबाट करीव पाँच लाख तीव्र एन्टिबिड टेस्ट किटहरू किनेको थियो र तिनीहरूलाई कोरोनाभाइरस संक्रमणको परिक्षण गर्न धेरै राज्यहरूमा वितरण गरिएको थियो I

गुणस्तरीय किट उपलब्ध गराउने आश्वासन दिइए पनि दुई चिनियाँ कम्पनीहरुद्वारा आपूर्ति गरिएको किटहरुको प्रभावकारितामा “व्यापक भिन्नता” पाइएपछि प्रयोगमा रोक लगाएको हो ।

भारतले सबै राज्यहरु र केन्द्र शासित प्रदेशका मुख्य सचिवहरुसँगको कुराकानीमा आईसीएमआरले ती किट्सको प्रयोग रोक्न सुझाब दिएको हो । राज्य र केन्द्र शासित प्रदेशहरूलाई किटहरू फिर्ता गर्न अनुरोध गरिएको छ ताकि ती किटहरू आपूर्तिकर्ताहरूलाई फिर्ता पठाउन सकियोस्।

राजस्थान र पश्चिम बंगाललगायत धेरै राज्यहरूले चिनिया किटको गुणस्तरको बारेमा गुनासो पनि गर्दै आएका थिए । आईसीएमआरले पीसीआर विधिद्वारा घाटी / नाकको स्वाब परीक्षण नै कोभिड -१९ को परिक्षणको लागि उत्तम रहेको बताएको छ।

सरकारी अधिकारीले भारतसँग कोभिड १९ को लागि पीसीआर परीक्षण गर्न पर्याप्त संख्यामा किट उपलब्ध रहेको दाबी गरेका छन् ।