इंग्लिस प्रिमियर लिग फुटबलमा लिभरपुलले वेष्ट ह्याम युनाइटेडलाई पराजित भएको छ ।

गएराति आफ्नै मैदान एन्फिल्डमा भएको खेलमा लिभरपुलले वेष्टह्यामलाई ३–२ ले हरायो । जितसँगै लिभरपुलले प्रिमियर लिग फुटबलको अंक तालिकामा फेरि २२ अंकको अग्रता लिएको छ ।

प्रिमियर लिग फुटबलको उपाधि जित्न लिभरपुललाई अब बाँकी रहेका ११ मध्ये ४ खेल मात्रै जिते पुग्छ । २७ खेलबाट उसको ७९ अंक छ ।

समान खेलबाट ५७ अंक जोडेको म्यान्चेस्टर सिटी दोस्रो स्थानमा रहेको छ । ५० अंकसहित लेष्टर सिटी तेस्रो तथा ४४ अंकसहित चेल्सी चौथो स्थानमा रहेका छन् ।