काठमाण्डाै । इंग्लिस प्रिमियर लिगमा लिभरपुलले लगातार ५० औं खेलमा अपराजित रहने कीर्तिमान बनाएको छ ।

लिगमा लिभरपुलले यो सिजन लगातार १९ खेलमा अपराजित रहँदै उपाधिको होड निकै बलियो बनाएको छ । घरेलु मैदान एनफिल्डमा भएको खेलमा लिभरपुलले उल्भ्सलाई एक-शून्यले हरायो ।

अघिल्लो खेलमा म्यानचेस्टर सिटीलाई हराएको उल्भ्सले लिभरपुलविरुद्ध पनि राम्रो फुटबल खेले पनि लिभरपुलसँग पराजित भयाे । खेलको ४१औँ मिनेटमा साडियो मानेले गोल गर्दै लिभरपुललाई अग्रता दिलाए ।

४५ औं मिनेटमा उल्भ्सले गोल गरेको थियो तर त्याे गोललाई भिएआरले अफसाइड दियो । त्यसपछि पनि लिभरपुले पाँच वटा मौका सिर्जना गरेको थियो तर लिभरपुल सफल हुन सकेन । अन्तिममा मानेको एकमात्र गोल निर्णायक बन्यो ।

यो जितले लिभरपुलले आफ्नो अग्रता लेस्टर सिटीसँग १३ अंकमा पुर्‍याएकाे छ । लिभरपुलको १८ खेलमा ५५ अंक बनाएको छ ।