काठमाडौं । कतार एयरवेज ए डिभिजन लिगमा नेपाल पुलिस क्लब र सरस्वती युथ प्रतिस्पर्धा गरिरहेका छन् । त्रिपुरेश्वरको दशरथ रंगशालामा शुक्रबार भइरहेको खेलमा दुवै टोलीले पहिलो हाफ गोलरहित बराबरी खेले ।

पुलिस क्लब पहिलो हाफको इन्जुरी समयमा १० खेलाडीमा सीमित भएको छ । पुलिसका अन्जन राई दोहोरो पहेँले कार्ड खाँदै मैदान बाहिरिएका हुन् । उनले सरस्वतीका पूर्ण श्रेष्ठलाई फल गरेका थिए ।

सरस्वती क्लबको दुई खेलमा एक जित र एक हारसँगै ३ अंक छ । उता पुलिसको दुई खेलमा एक बराबरी र एक हारसँगै १ अंक छ ।