च्याम्पियन्स लिग फुटबल अन्तर्गत गएराति भएको खेलमा बार्सिलोनाले ईन्टर मिलानलाई हराएको छ । बार्सिलोनाले सिरि ए क्लब ईन्टर मिलानलाई २–१ ले हराएको हो ।

बार्सिलोनासंग पराजित ईन्टरको च्याम्पियन्स लिगमा नकआउट चरण पुग्ने सम्भावना सकिएको छ । बार्सिलोना भने यसअघिनै नकआउट चरण प्रवेश गरिसकेको छ ।

यो समुह बाट ईन्टरको हारले जर्मन क्लब बोरुसिया डर्टमण्ड अन्तिम १६ मा पुग्न सफल रह्यो ।

खेलको २३ औ मिनेटमा कार्लेस पेरेजको गोलबाट बार्सिलोनाले अग्रता लिएको थियो । सिरि ए क्लब ईन्टरका रोमेलु लुकाकुले ४४ औ मिनेटमा गोल गर्दै खेल बराबरीमा ल्याएका थिए । ८६ औ मिनेटमा अंशु फातीले बार्सिलोनाका लागि विजयी गोल गरे ।

अंशु फातीको किर्तिमान:
बार्सिलोनाका अंशु फातीले सबैभन्दा कम उमेरमा गोल गर्ने खेलाडिको किर्तिमान बनाएका छन् । वैकल्पिक खेलाडीको रुपमा ८५ औ मिनेटमा मैदान छिरेका फातीले दोस्रो मिनेटमै गोल गर्न सफल भए । लुईस स्वारेजको पासलाई सदुपयोग गर्दै उनले गोल गरेका थिए ।

 
१७ वर्ष ४० दिनका फाती च्याम्पियन्स लिगको ईतिहासमा गोल गर्ने सबैभन्दा कान्छो खेलाडी बनेका छन् ।