अमेरिकाको जर्सी सहरमा भएको गोली हानाहानमा एक प्रहरी अधिकारी सहित ६ जनाको मृत्यु भएको छ । नेपाली समयअनुसार गएराति सहरका मेयर स्टीवन फुलपका अनुसार घटनामा दुई प्रहरी घाइते भएका छन् ।

सहरको ग्रीनविले इलाकामा कम्तिमा १ घण्टासम्म दुईतर्फी गोली हानाहान भएको बीबीसीले जनाएको छ । यो गोलाबारी कसले र किन गरेको भन्ने यो समाचार तयार पार्दासम्म खुलेको थिएन ।

अधिकारीहरुले यो आतंकवादी हमला भने नभएको अनुमान गरेका छन् ।

मारिएका प्रहरीकर्मी ३९ वर्षका जोसेफ सील्स हुन् । उनी पछिल्लो १३ वर्षदेखि जर्सी प्रहरीको सेवामा रहेका थिए ।
-बीबीसी