एजेन्सी । आईसीसी एकदिवसीय विश्वकप क्रिकेटमा पाकिस्तानविरुद्ध वेस्ट इन्डिजले शानदार जित निकालेको छ । बुधबार भएको खेलमा वेस्ट इन्डिजले पाकिस्तानलाई ७ विकेटले हराएको हो ।

ट्रेन ब्रिजमा भएको खेलमा पाकिस्तानले दिएको १ सय ६ रनको लक्ष्य पछउने क्रममा वेस्ट इन्डिजले १३ ओभर ४ बलमा १ सय ८ रन बनायो । वेस्ट इन्डिजका लागि क्रिस गेलले अर्धशतकीय पारी खेले । ३३ बल खेलका उनले ४ चौका र ३ छक्काको सहयोगमा ५० रन बनाएका हुन् । त्यस्तै निकोलस पुरनले ३४ रन जोड्दा साई होपले ११ रन बनाए ।

बलिङतर्फ पाकिस्तानका मोहम्मद अमिरले तीन विकेट लिए ।

यसअघि टस हारेर पहिले ब्याटिङ गरेको पाकिस्तानले २१ ओभर ५ बलमा अल आउट हुँदै मात्र १ सय ५ रन बनायो । पाकिस्तानका लागि फखर जमान र बाबर अजमले समान २२-२२ रन बनाए । त्यस्तै वहव रिजाले १८ रन जोड्दा मोहम्मद हफीजले १६ जोड्दा त्यस बाहेकका ब्याट्म्यानहरुले दोहोरो रन जोड्न सकेनन् ।

बलिङतर्फ वेस्ट इन्डिजका लागि ओशाने थोमसले सर्वाधिक चार विकेट लिए । त्यस्तै जेसन होल्डर तीन विकेट लिँदा आन्द्रे रसेलले दुई विकेट लिए भने शेल्डन कोट्रेल एक विकेट लिए ।