काठमाडौं । यु-१५ पुरुष साफ च्याम्पीयनसिप नेपालमा आयोजना हुने भएको छ । आगामी कात्तिक ८ गतेदेखि सुरु गर्ने गरी नेपालले पुरुष यू–१५ साफ च्याम्पीयनसिपको आयोजनाको जिम्मा पाएको हो ।

च्याम्पियनसिपमा आयोजक नेपाल समूह बि मा परेको छ । बंगलादेशमा आज सार्वजनिक गरिएको ड्र मा नेपाल बंगलादेश, पाकिस्तान र माल्दिभ्स रहेको समूह बि मा परेको हो ।

यस्तै समूह ए मा भारत, भुटान र श्रीलंका छन् । सातदोबाटोस्थित एन्फा कम्प्लेक्समा हुने खेलमा नेपालले पहिलो खेल कात्तिक  ८ गते पाकिस्तानसँग खेल्नेछ । दोस्रो खेल १० गते माल्दिभ्स र अन्तिम खेल बंगलादेशसँग खेल्नेछ ।