काठमाडौं । केही समयअगाडि देखि बलिउड नायक टाइगर श्राफ र नायिका दिशा पटानीबीच अफेयर चलिरहेको रहेको छ । पछिल्लो केही दिनमा दिशालाई ऋतिक रोशनले आँखा लगाएका छन् ।

श्रीमती सुजैनसँग सम्वन्धविच्छेद गरेपछि ऋतिकले एक्लो जीवन बिताइरहेका छन । हालै एक चलचित्रमा सँगै काम गर्ने क्रममा दिशाको सुन्दरताले उनलाई मोहनी लगाएको छ ।

यता दिशा भने लामो समयदेखि नायक टाइगर श्राफसँग अफेयरमा रहेको ऋतिकलाई पनि यो कुरा थाहा नभएको होइन । चलचित्रको सुटिङका क्रममा उनले दिशालाई पछ्याएका छन् । ऋतिकले यतिसम्म गरे कि दिशा ‘इरिटेटेड’ नै भइन् ।

यही कारणले उनले सो चलचित्रबाट हात झिकिन् । दिशाले पनि ऋतिक आफ्नो लागि सम्मानित वयक्ति भएको भन्दै उनको कारण चलचित्र नछोडेको जिकिर गरिन् ।

उनले ऋतिकको बानी व्यहोरा एकदम असल रहेको भन्दै प्रशंसा गर्न पनि चुकिनन् ।