काठमाडौं । रसुवाको गोसाइकुण्ड गाउँपालिका २ टिमुरेमा बुधबार रातिको पहिरोमा मृत्यु हुनेको संख्या ८ पुगेको छ । १ जना अझै बेपत्ता छन् ।

मृत्यु हुनेमा सिन्धुपाल्चोकको जिल्ला भोटेकोसी गाउँपालिका–५ का श्याम श्रेष्ठ, विक्रम श्रेष्ठ, मंगले तामाङ, भोटेकोसी–४ का रेशम खड्का रसुवा जिल्ला गोसाइकुण्ड गाउँपालिका १ थुमन का मिङमार गुम्बु तामाङ, गाउँपालिका–२ टिमुरेका दोर्जे वाङजु घले, नुवाकोटका रमेश तामाङ र शर्मिला कमिनी रहेका जिल्ला प्रहरी कार्यालय रसुवाका प्रमुख प्रहरी नायव उपरीक्षक सन्तोष तामाङले बताए ।

बेपत्ताको खोजी भइरहेको छ ।घाइते ५ जनाको थप उपचारका लागि काठमाडौं ल्याएको गोसाइकुण्ड गाउँपालिका अध्यक्ष कैसाङ नुर्पु तामाङले बताए । बुधबार मध्यराति खसेको पहिरोले २ टहरा, एक होटेल, टिमुरेस्थित अस्थायी प्रहरी बिटसमेत पुरिएको तामाङले बताए ।