काठमाडौं । इंग्ल्यान्डको लर्ड्समा हुने त्रिकोणात्मक टी–ट्वान्टी सिरिज र नेदरल्याण्डसँगको एकदिवसीय क्रिकेट सिरिजको लागि युरोप भ्रमणमा रहेको नेपाली क्रिकेट टोलीले आज तेस्रो अभ्यास खेल खेल्दैछ ।

नेपालले आज इंग्ल्यान्डको स्थानीय क्लब इष्ट लन्डन ११ विरुद्ध तेस्रो अभ्यास खेल खेल्न लागेको हो । नेपाली समय अनुसार आज अपरान्ह पौने ४ बजे सुरु हुने नेपाल र इष्ट लन्डन ११ बीचको खेल ५० ओभरको हुनेछ ।

यसअघि नेपालले ५० ओभरको पहिलो अभ्यास खेलमा ह्यामसायर होग्सलाई २ सय ४३ रनले हराएको थियो । दोस्रो अभ्यास खेलमा नेपाल पराजित भएको थियो । टी –ट्वान्टी अन्तर्गत भएको दोस्रो अभ्यास खेलमा नेपाल सेन्ट क्रससँग १९ रनले पराजित भएको हो ।