काठमाडौं । नेपाली कांग्रेसका महामन्त्री डा. शशांक कोइरालाले पार्टी एक हुनैपर्ने बताएका छन ।

नेपालका प्रथम जननिर्वा्चित प्रधानमन्त्री एवं कांग्रेसका संस्थापक विश्वेश्वरप्रसाद कोइरालाको ३६ औं स्मृति दिवसका अवसरमा आइतबार पार्टी कार्यालय सानेपामा आयोजित कार्यक्रममा महामन्त्री डा. कोइरालाले यस्तो बताएका हुन ।

कार्यक्रममा उनले पार्टी एक भएमात्रै सबैको भलो हुने जिकिर गरे ।

उनले बिपीको बाटो पहिल्याएमात्रै उनीप्रति सच्चा श्रद्धाञ्जली हुने बताए ।

संस्थापक नेता कोइरालाको स्वर्गारोहण भएको दिन साउन ६ गतेलाई हरेक वर्ष बीपी स्मृति दिवसका रुपमा मनाउँदै आएको छ ।