काठमाडौं । नेपाली राष्ट्रिय क्रिकेट टिमका खेलाडी शक्ति गौचनले अन्तराष्ट्रिय क्रिकेटबाट सन्यासको घोषणा गरेका छन । उनले नेदरल्याण्डस्विरुद्ध हुने पहिलो एकदिवसीय श्रृङ्खला करियरको अन्तिम खेल हुने बताए ।

लर्ड्समा हुने एमसीसी र नेदरल्याण्डस् सम्मिलित त्रिकोणात्मक श्रृङ्खला र नेदरल्याण्डस् विरुद्धको एकदिवसीय सिरीजका लागि आयोजना भएको बिदाई कार्यक्रममा बोल्दै शक्तिले नेपालले खेल्ने पहिलो एकदिवसीय सिरीज करियरको अन्तिम श्रृखंला हुने बताए ।

१७ वर्षे क्रिकेट करियरमा शक्ति एउटा सशक्त खेलाडीका रुपमा रहदै आएका थिए । बढ्दो उमेर र फिटनेसका कारण शक्तिले क्रिकेट करियरलाई बाईबाई भनेका छन । उनी क्रिकेटमा सधैँ रहिरहने प्रण पनि गरेका छन । त्यसका लागि उनी आफ्नो अन्तिम खेललाई सुखद बनाउन कुनै कसर बाँकी नराख्ने पनि बताए ।