डडेलधुरा । दिपायलबाट नेपाल्गञ्ज जाँदै गरेको जीप मंगलबार बिहान गन्याधुरा गाउँपालिका–२ गज्रेउलामा दुर्घटना हुँदा चार जनाको मृत्यु भएको छ । से १ ज ३३० नम्बरको उक्त जीप बिहान साढे १० बजे दुर्घट्ना परी अन्य ७ जना घाइते भएको प्रहरी चौकी सकायाल डडेलधुराका प्रहरी सहायक निरीक्षक डम्बर बहादुर चन्दले बताए ।

मृत्यु हुनेमा आदर्श गाउँपालिका २ डोटीका अध्यक्ष प्रेम बोहरा सोही वडाका लालबहादुर बोहरा, शैलेस्वरी यातायातका उपाध्यक्ष गाडी मालिक बिनोद रावलको घटना स्थलमै मृत्यु भएको छ भने सोही गाउँकी जानकी बोहराको उपक्षेत्रीय अस्पतालमा लैजाने क्रममा मृत्यु भएको प्रहरीले बताएको छ ।

जीप सडक बाट २५० मिटर तल खसेको गन्याधुरा गाउँपालिका अध्यक्ष नवल मल्लले बताए । घाइते मध्य ३ जनाको अवस्था गम्भीर रहेको उनको भनाइ छ । घाइतेको उपक्षेत्रीय अस्पतालमा उपचार भैरहेको अध्यक्ष मल्लले बताए । घटना कसरी भयो सत्यतथ्य छानविन हुने उनले बताए ।