काठमाडौं । पश्चिम नवलपरासकिो बर्दघाट त्रिवेणी सडक खण्डमा दुई मोटरसाइकल एक आपसमा जुध्दा तीनजनाको मृत्यु भएको छ ।दुर्घटनामा परी एकजना गम्भीर घाइते भएका छन् । दुर्घटनामा परीमृत्यृ हुनेमा बर्दघाट नगरपालिका १४ का १८ वषिर्य आशिष बीसी, बर्दघाट १६ का १८ वषिर्य अजित सिंह ठकुरी र बर्दघाट १६ कै सन्तोष न्यौपाने रहेका छन् ।
बीसी र न्यौपानेको पृथ्वीचन्द्र अस्पताल परासी र ठकुरीको पुरानो मेडिकल कलेज भरतपुरमा उपचारका क्रममा मृत्यु भएको जिल्ला ट्राफिक प्रहरी कार्यालय नवलपरासीका प्रवक्ता प्रहरी नायब निरीक्षक ज्ञानप्रसाद ज्ञवालीले जानकारी दिए ।

बर्दघाटबाट त्रिवेणी जांदै गरेको लु ३७ प १५७० नम्बरको मोटरसाइकल र विपरित दिशाबाट आइरहेको लु १० प४४३५ नंको मोटरसाइकल एक आपसमा ठोक्किएका हुन् ।दुर्घटनामा बर्दघाट १४ का २३ वषिर्य राजकुमार बीसी घाइते भएका छन् । उनको बुटवलको जेनस अस्पतालमा उपचार भइरहेको छ ।