काठमाडौं । कांग्रेस सभापति तथा पूर्वप्रधानमन्त्री शेरबहादुर देउवासहितका कांग्रेस नेताहरुले भारतीय प्रधानमन्त्री नरेन्द्र मोदीसँग भेट गरेका छन ।कांग्रेस नेताहरुले मोदीलाई उहाँ बसिरहेको होटलमै पुगेर भेट गरेका थिए ।

भेटमा दुई देशबीचको सम्बन्धका साथै आपसी चासोका विषयमा छलफल भएको थियो । सो क्रममा मोदीले भारतले नेपालमा आर्थिक समृद्धि भएको हेर्न चाहेको बताए ।

झण्डै २५ मिनेट भएको छलफलमा मोदीले देउवालाई गएको प्रतिनिधि र प्रदेशसभाको निर्वाचन सफलतापूर्वक सम्पन्न गरेकोमा बधाई समेत दिएका थिए ।

कांग्रेस सहमहामन्त्री प्रकाश शरण महतले मोदीसाग सौहार्दपूर्ण वातावरणमा छलफल भएको जानकारी दिए ।

मोदीसँगको भेटमा मोदीलाई देउवासहित नेताहरु रामचन्द्र पौडेल, शशांक कोइराला र पूर्णबहादुर खड्का , प्रकाश शरण महत, कृष्ण सिटौलालगायतको सहभागिता रहेको थियो ।