काठमाडौँ । इन्डियन प्रिमियर लिग आईपिएल क्रिकेटमा आज रोयल च्यालेन्जर्स बैंग्लोर र मुम्बई इन्डियन्स भिड्ने छन् । आज हुने एक मात्र खेल बैंगलोरको एम चिन्नास्वामी क्रिकेट स्टेडियममा राति साढे ८ बजेबाट सुरु हुनेछ । आजको खेलमा दुदै टोली जित निकाल्ने दाउँमा हुनेछन् ।

यसअघि गएराती भएको खेलमा दिल्ली डेयरडेभिल्सलाई हराउँदै चेन्नई सुपरकिङ्स आईपिएल क्रिकेटको शीर्ष स्थानमा उक्लिएको छ । पुनेमा भएको खेलमा पहिले ब्याटिङ गरेको चेन्नईले निर्धारित २० ओभरमा ४ विकेट गुमाएर २११ रन बनायो । जवाफमा २१२ रनको लक्ष्य पछ्याएको दिल्लीले २० ओभरमा ५ विकेट गुमाएर १९८ रनमात्रै बनाउन सक्यो ।

समान खेलबाट १२ अंक जोडेको चेन्नई भने तालिकाको शीर्ष स्थानमा छ । १२ अंक नैं जोडे पनि रन रेटका आधारमा सनराईजर्स हैदरावाद दोस्रो स्थानमा रहँदा एक खेल कम खेलेको किङ्स इलेभेन पञ्जाब १० अंकसहित तेस्रो स्थानमा छ ।