ओखलढुंगा । ओखलढुंगाबाट काठमाडौं जादै गरेको टाटासुमो उदयपुरमा दुर्घटना हुँदा १० यात्रु घाइते भएका छन् । घाईतेमध्ये दुई जनाको अवस्था गम्भीर छ ।

ना १ ज ४५४९ नम्बरको सुमो उदयपुरको घुर्मिमा दुर्घटना भएको प्रहरीले जनाएको छ । घाइतेहरूको जनसेवा हेल्थ केयर सेन्टर घुर्मीमा उपचार भैरहेको छ ।

घाइते हुनेहरुमा राजकुमार खड्का, यज्ञध्वज खत्री, योगेश खत्री, शम्भु रेग्मी, भोजकुमारी कोईराला, गोमा सुवेदी, ज्वाला दाहाल, सन्जिव राई, तारादेवी रोका, मानबहादुर सुनुवार र सुजित रोका रहेका छन् ।

घटनाबारे अनुसन्धान भैरहेको प्रहरीले जनाएको छ । सुमो सडकबाट चिप्लिएर दुर्घटना भएको प्रत्यक्षदर्शीले बताएका छन् ।